Pope John Paul II
Pilgrim in the footsteps of St. Paul
SPEECHES

09.05.2001
at THE GRANARIES
MALTESE

Messagg ta' Mons. Guzeppi Mercieca
Arcisqof ta' Malta
fil-quddiesa tal-beatifikazzjoni

Missier l-aktar qaddis,

Il-komunita' maltija li tghix fil-gzejjer taghna ta' Malta u ghawdex, il-lum hija migbura madwar il-qdusija tieghek, il-Papa Gwanni Pawlu II, biex tifrah flimkien fil-Mulej u tesprimi lilu mill-qalb ir-ringrazzjamenti taghha.

Irridu nirringrazzjaw il-Mulej illi fiz-zerniq l-aktar kmieni tal-kristjanezmu, ghoxrin seklu ilu, missirijietna tal-qedem, permezz tal-migja ta' San Pawl fuq xtutna, inghataw id-don tal-fidi u t-tama f'Alla li hu l-Missier taghna li jhobbna u li jista' kollox.

Irridu nirringrazzjaw lill-Mulej ukoll li 11-il sena ilu, pajjizna kien imbierek bil-bosta biz-zjara pastorali ta' tlett ijiem tal-qdusija tieghek. Kienet grajja tassew kbira li ahna lkoll gawdejna mill-qalb u apprezzajna. Din il-grajja ghadna niftakruha f'mohhna u tferrhilna qalbna. Hija tibqa' mnizzla fl-istorja mzewqa taghna bhala rigal specjali ta' l-ghozza u ta' l-imhabba li l-qdusija tieghek dejjem kellha lejn pajjizna u li ntweriet f'bosta okkazjonijiet. Nirringrazzjawk ghal darba ohra ghax sahhahtna fil-fidi taghna!

Irridu wkoll nirringrazzjaw lill-Mulej ghar-rigal tal-lum. Il-lum, id-9 ta' Mejju 2001 huwa l-jum li ilna nistennew fis-skiet, bi stennija herqana ghal zmien twil. Il-lum it-tamiet taghna ntemmu, sebah jum gdid sabih li jimliena b'ferh hieni u barkiet spiritwali.

Matul il-pellegrinagg tieghek li qed taghmel fuq il-passi ta' San Pawl, il-qdusija tieghek ghogobha tilqa' x-xewqat u t-talbiet taghna u indenjajt tonorana u tigi ghat-tieni darba ghal zjara pastorali qasira fi gziritna, li fiha, il-qdusija tieghek, bhala vigarju ta' Kristu se tiddikjara beati lil hutna, il-venerabbli Dun Gorg Preca, fundatur tas-Socjeta' tad-Duttrina Nisranija, il-Venerabbli Nazju Falzon, u l-Venerabbli Marija Adeodata Pisani OSB.

Din il-grajja hija ta' importanza primarja mhux biss ghall-Knisja f'Malta izda wkoll ghan-nazzjon kollu. Malta s'issa baqghet fidila fl-istqarrija pubblika tal-fidi Kattolika li xxandret minn San Pawl meta, permezz ta' l-intervent dirett tal-provvidenza divina kien nawfragat fuq xtutna. Issa Malta qieghda titbierek ghall-ewwel darba fl-istorja taghha bil-beatifikazzjoni solenni li se ssir fuq artna stess, ta' tlieta minn uliedha.

Waqt li qed nghixu din il-grajja straordinarja, inhossu li l-Mulej permezz tal-qdusija tieghek qed jerga' jheggigna lilna lkoll biex nuru l-gratitudni taghna lejh ghal hafna rigali li xerred fuqna billi bqajna leali lejn il-fidi Kattolika u sodi fil-valuri li johorgu minnha.

Huwa fatt li l-hafna theddid ghall-valuri li hallewlna missirijietna u t-tnawwir taghhom, flimkien mat-tixrid ta' mentalitajiet u kulturi differenti, qed jaffettwaw hafna lil Malta. Dan inissel thassib. Wiehed ghandu jilqa' ghal din is-sitwazzjoni.

Ahna nemmnu bis-shih li l-Mulej Gesu' wahdu huwa t-triq li twaqqaf il-kultura tal-konsumizmu, tal-permessivita' u tal-firdiet fil-familji u fil-hajja socjali u politika taghna, li bis-serqa izda bla waqfien qieghda titmexxa 'l quddiem b'diversi mezzi ta' komunikazzjoni fil-gzejjer taghna. Ahna nemmnu li l-Mulej Gesu' biss huwa t-triq li twassalna biex nibnu socjeta' mgedda li l-ideali taghha, fit-teorija u fil-prattika, huma l-gustizzja, il-paci, l-onesta' u t-trasparenza. Wiehed ghandu jirrispetta lil dawk li jistqarru ghamliet ohra ta' twemmin u jhaddnu valuri ohra. Izda biex ikollna l-kuragg tal-konvinzjonijiet taghna, ghandna nkunu nafu kif naghtu xiehda tal-Mulej Gesu' u tat-taghlim u l-valuri tal-fidi taghna.

Waqt li nhaddnu t-taghlim tal-magisteru, ahna msejha biex inzommu fedelment il-vizjoni nisranija li writna mill-imghoddi.

L-ispirtu ta' servizz ispira lilna l-isqfijiet ta' dawn il-gzejjer, fl-ittra pastorali taghna ghar-Randan 2001, biex nitolbu lill-gheziez uliedna, irgiel u nisa fil-Mulej, halli jhejju lilhom infushom ghaz-zjara tal-qdusija tieghek billi jaghmlu ezami tal-kuxjenza bil-ghajnuna ta' dak li inti ghallimtna u nkuraggajtna biex inzommuh ghaziz meta zortna hdax-il sena ilu.

Nirringrazzjaw lill-qdusija tieghek. Inweghduk li niftakru fik fit-talb taghna. Ahna lkoll nitolbu ghall-barka appostolika tieghek u ghat-talb tieghek.

Il-Fosos tal-Floriana